Ngalamate kedut (kedutan)

1. saranduning awak kabèh, arep deleng kaéndahan 
2. sirahé, arep olèh dahulaté ratu
3. embun-embunan, arep dadi mantri
4. bathuk tengen, arep olèh arta
5. bathuk kiwa,arep nemu suka
6. alis tengen,arep olèh arta
7. alis kiwa, arep ketemu kekasihé
8. tlapukan mripat tengen dhuwur, arep olèh arta
9. tlapukan mripat tengen ngisor, arep nemu kasusahan
10. tlapukan mripat kiwa dhuwur, arep olèh kabecikan
11. tlapukan mripat kiwa ngisor, arep nangis
12. tadhahluh tengen, arep nangis
13. tadhahluh kiwa, luwar saka prihatin
14. papadoning mripat tengen, arep ningali kekasihé
15. papadoning mripat kiwa, arep kasusahan
16. wrejilané mripat tengen, arep nangisi wong mati
17. wrejilané mripat kiwa, arep ningali wong saka désa
18. pipi tengen, arep dipanggawé wong
19. pipi kiwa,arep lara
20. irung sisih tengen,arep olèh arta khalal
21. irung sisih kiwa, arep ketemu kekasihé
22. lambé tengen dhuwur, arep olèh srama (pangan)
23. lambé tengen ngisor, arep kapénak awaké
24. lambé kiwa dhuwur,arep rarasan karo sanaké
25. lambé kiwa ngisor, arep olèh pagaweyan becik
26. tengah lambé dhuwur, arep tukaran
27. tengah lambe ngisor, arep mangan enak
28. kuping tengen, arep ketemu sanaké
29. kuping kiwa, arep nemu ujar becik
30. janggut tengen,arep dimumulé wong agung
31. janggut kiwa,arep ketemu wong agung diparingi panggawéyan
32. gulu tengen, arep lara èpèh
33. gulu kiwa, arep lara nanging gelis waras
34. pundhak tengen, krabaté nemu lara
35. pundhak kiwa, arep dimumulé wong wadon
36. pundhak kiwa lan tengen ,arep lara
37. bau tengen, arep tukaran
38. bau kiwa, arep lara
39. geger tengen, ana wong teka utang dhuwit
40. ula-ula, arep lara utawa susah
41. geger kiwa, arep nemu kabegjan
42. dhadha tengen, arep ketemu kekasihé
43. dhadha kiwa, arep weruh wanita ayu buanget
44. dhadha ing tengah, arep olèh kabegjan
45. susu tengen, arep oleh arta
46. susu kiwa, arep katekan mantri
47. weteng tengen, arep olèh rejeki okèh
48. weteng kiwa, arep olèh arta nkèh
49. puser (wudel), arep olèh kanugrahaning allah
50. kekempong tengen, arep olèh wanita
51. kekempong kiwa, arep duwe anak
52. atiné, arep olèh arta
53. tangané tengena utawa kiwa'a, arep oleh arta
54. epèk epèk tengen, arep olèh arta
55. epèk epèk kiwa, arep olèh babathén saka dol tinuku
56. lengen tengen, arep olèh rejeki
57. lengen kiwa, arep olèh arta
58. sikut tengen, atiné nemu ora kepenak
59. .sikut kiwa, arep olèh duduka
60. driji manis tangan tengen, arep olèh arta
61. driji manis tangan kiwa, arep oleh wanita
62. jenthik tangan tengen, arep dipupu wong
63. jenthik tangan kiwa, arep tinampan dening wong
64. sela selaning driji tangan tengen,arep olèh seneng
65. sela selaning driji tangan kiwa, arep kinasihan wong gedhe
66. jempol tangan tengen, arep olèh bojo becik
67. jempol tangan kiwa, arep olèh jodho
68. panudhing tangan kiwa, arep kawirangan
69. panudhing tangan tengen, arep olèh pagaweyan
70. panunggul tangan tengen, arep lara
71. panunggul tangan kiwa, arep susah
72. lambung tengen, arep nemu susah
73. lambung kiwa, arep muring-muring
74. bangkékan tengen, arep olèh kabecikan
75. bangkékan kiwa, arep dhuweni asih marang wong liya
76. purus tengen, arep jimak
77. purus kiwa, arep dadi pangulu
78. bokong tengen, arep ana wong kang teka
79. bokong kiwa, sihing allah arep teka
80. yèn kang keduten wanita, bokongé tengena utawa kiwa'a wanita mau arep olèh guru laki (bojo)
81. pupu tengen,arep lumaku utawa tetemon karo wong wadon
82. pupu kiwa,arep ana wong anggawa arta.yèn lara, ana wong anggawa tatamba
83. cicingklok tengen, arep dimumulé wong
84. cicingklok kiwa, arep olèh arta
85. wintis tengen, arep tukaran
86. wintis kiwa, arep ketemu sanaké
87. gares tengen, arep lelungan
88. gares kiwa, arep diundang wong
89. dlamakan tengen, arep nemu serik
90. dlamakan kiwa, arep lelungan adoh
91. sela selaning driji sikil tengen arep olèh gawè
92. sela selaning driji sikil kiwa, arep olèh jodho
93. sikilé, tengen utawa kiwa, arep olèh arta, utawa karawuhan priyayi
94. wawadiné, duwé karep ora bisa kawetu
95. jubur, nemu lara
96. gorokan tengen, arep nemu bebaya
97. gorokan kiwa, arep nemu kasusahan gedhé
98. githok tengen, arep nemu untung
99. githok kiwa, arep wèwèh
100. pagelangan tangan kiwa, arep kinasihan wong agung
101. pagelangan tangan tengen, arep olèh wahyu becik